Xisbiga UDUB Oo Olole Qarsoon Ka Wada Magaalada Laascaanood

 Laacaanood (Waryatv.com), Iyada oo aan la gaadhin wakhtigii ololaha doorashooyinka Somaliland, isla markaana aanay koomishanka doorashooyinku soo saarin wakhitga uu bilaabmayo olalaha doorashooyinku ayaa waxaa kambayn balaadhan ku gaalabixinayaa gobolada bariga Xoghayaha guud ee Xibsiga talada haya ee UDUB Jaamac Yaasin Faarax iyo xubno uu hogaaminaayo.

Waftiga oo maanta gaadhay magaalo madaxda Gobolka Sool ee Laascaanood ayaa kormeer ku soo sameeyey xarumihii ay ku lahaayeen magaalada Laascaanood, iyagoo kulamo la qaadanaayey Guddoomiyaha gobolka ee xisbiga UDUB Cabdi Cabdilaahi iyo qaar ka mida taageerayaashooda.

Sidoo kale waxay waftigani kulamo la yeesheen xubno wasiiro ah oo halkaas (Laacaanood) u jooga in ay u kuur galaan xaalada Amni daro ee soo wajahaday Laascaanood, waxaana la sheegay in ay ka wada hadleen sidii dib loogu furi lahaa Is-gaadhista gobolka oo mudo toddobaad ah ka maqnayd isla markaana uu amar ku bixiyey wasiirka boosaha iyo Is-gaadhsintu in ay shirkaduhu khatka ka saaran hawlaha Is-gaadhsiineed ee Gobolka.

Maaha markii ugu horaysay ee masuuliyinta Xisbiga talada haya ee UDUB ay kamabyn ugu baxaan gobolada Somaliland iyo Degmooyinkaba, iyada oo aan la gaadhin wakhtigii ololaha doorashooyinka, hase yeeshee waxaa arrintaas dareen cabasho ka muujiiyey Asxaabta mucaaridka oo koomishank doorashooyinka ka dalbaday in ka joojiyaan Xisbiga UDUB ololaha uu bilaabay, taas oo ay sheegeen in ay qoraal u diraan masuuliyinta UDUB.

Xafiiska wararka ee Waryatv

Hargeysa/Somaliland

Reported by Abdiqani Abdilahi Ahmed

(Asporo)

Asporo4live@hotmail.com

© 2009 WaryaTV Sweden. All rights reserved. This material may not be published, broadcast, rewritten or redistributed.