Xasan Turki Seedigiis buu ka xishoon waayey ee sidee buu nooga xishoonayaa anaga

Hogaamiyaha ururka Xisbul Islaam ayaa waxa uu Afka ka weeraray ururka ALshabaab gaar ahana hogaamiye ku xigeenkiisii hore ee Sheekh xasan Cabdalla (Xasan turki).

Xasan Daahir Aweys wuxuu sheegey in ururka Alshabaab ay ku tunteen heshiis u dhexeeyey iyaga &Xisbigiisa oo qodabadiisa ay kamid ahaayeen in aanan lakala ka xaysan ciidamada &Saraakiisha,sidoo kalena wuxuu sheegay inay ku tunteen saaxiibtinimadii &heshiiskii kala dhexeeyey oo aysan diyaar u ahayn jihaad sax ah.

Hogaamiyaha Xisbul Islaam wuxuu Canbaareeyey Gudoomiye ku xigeenkii hore ee Xisbul Islaam Sheekh Xasan Turki oo ku biiray ururka Alshabaab wuxuuna intaas ku daray in Xasan Turki kamid ahaa dadkii aas aasay Xisbul Islaam isaga oo aanan u sheegina uu ka goostay.

"Xasan Turki isagaa aas aasay Xisbul Islaam,siduu madax noogu ahaana waxaanu Saxaafada ka maqal nay inuu Alshabaab ku biiray taasi maaha Mas'uulnimo ee waa kherul Mas'uulnimo loomana baahna haduu ka baxayo annagu maana hor istaagin ee isagaa sidiisa u cararayey"Ayuuyiri Xasan Daahir Aweys oo caro hadalkiisa laga dheehanayey.

Xasan Daahir wuxuu sidoo kale soo hadal qaaday Dagaaladii dhawaan ka dhacay jubooyinka,wuxuuna sheegay in Sheekh Axmed Madoobe uu kamid yahay Xisbigiisa uusanna ka bixin,wuxuuna difaacay Dagaalada uu Alshabaab kula jiro oo uu ku tilmaamay kuwo is difaacid ah.

"Dagaalada uu Axmed Madoobe ku jira waa sax waana taageersanahay,waayo Alshabaab anaga ayaa Kismaayo la qabanay,markii danbena dhaqaalo ayagoo fiiranaya bay keeneen inay Hogaamiye yaasheena la dagaalamaan,marka taasi waa Fitno yar oo iska jidha oo ay wadaan"Ayuu yiri Xasan Daahir Aweys.

Gaba gabadii hadalka Xasan Daahir Aweys oo u badnaa Qeylo dhaan &Canaan uu Alshabaab u jeedinayo wuxuu si toos ah u cadeeyey in xididtinimo ay ka dhaxayso Xasan Turki & Sheekh Axmed Madoobe,"Xasan Turki Sheekh Axmed Madoobe seedigiis weeye wuuna ka xishoon waayey anaga marka nagama uu xishoonayo"Ayuu hadalkiisa kusoo gaba gabeeyey hogaamiyaha ururka Xisbul Islaam oo aad mooda inuu markan qeylo u diray Alshabaab oo Awood ahaan &ciidan ahaanba ka badan yihiin Xisbigiisa.