Xuska Maalinta Haweenka Aduunka Oo Laga Xusay Hargeysa

Hargeysa (Waryatv.com), Xuska Maalinta haweenka aduunka oo maanta lagu xusay Somaliland gaar ahaana magaalada hargeysa, xuskan ayaa waxaa ka so qayb galay masuuliyiin kala duwan iyo haween aad u tiro badan, waxaana lagu qabtay xarunta beerta xoriyada ee magaalada Hargeysa.

Masuuliyinta kala duwan oo xuska maalinta haweenka ee 8 March ka hadashay ayaa si guud uga sheekeeyey qiimaha ay maalintani haweenka aduunka ay ku leedahay, waxaanay aad ugu dhiiri galiyeen xukumada somaliland in si isku mida ah ay u haleen raga iyo dumarku xuuqdooda.

Guddoomiyaha Hayada xuquuqda Axmed Xaaji Daahir Cadami ayaa aad ugu booriyey haweenka Somaliland inay fahman kaalinta ay kaga jiraan qaranka Somaliland, waxaanu intaas ku daray in haweenka kobciyaan aqoonta aas aasiga ah iyo ta caalamiga ah.

Xuskan maalinta 8 March ayaa si weyn uga duwanaa dabaal dagayadii ka horeeye, waxaana maanta beerta xoriyada ee magaalada Hargeysa isugu soo baxay haween aad u tiro yar, sidoo kale dhanka asxaabta qaranka ayaa aad ugu yaraa fagaaraha beerta, balse waxaa dhankooda dareenka shacabka kiciyey kooxda baamboyada oo kaalin mug leh ka qaadatay xuska maalintan.

Xuska maalinta haweenka ayaa maanta haba yaraatee lagu soo hadal qaadin tacdiyada loo gaysto haweenka somaliland iyo horumarka ay gaadheen, waxaase si weyn loogu dhiiri galiyey haweenka sidii ay siyaasada dalka uga qayb qaadan lahaayeen.

Isku soo wada geeyo waxaa maanta gobolada somaliland badankooda laga xusay maalinta haweenka Aduunka, maalinta ayaa waxaa lagu meel mariyey xusitaankeeda shir ka dhacay caasimada wadanka Demark ee Copenhagen sanadii 1945-kii.

Xafiiska Wararka Ee Waryatv

Hargeysa/Somaliland

Reported by:- Ibraahim Abdirahman Qaasim