Cusbitaal U Gaara Dadka Aadka U Isticmaala Internet-ka Oo Laga Furay Roma

Magaalada Roma ee caasimada dalka Talyaaniga ayaa noqotey magaaladii ugu horeysy ee qaarada Yurub laga sameeyo xarun gaar ah oo lagu daaweeyo dadka aadka sida xad dhaafka ah u isticmaalka Internet-ka.

Cisbitaalka caanka ah ee Policlinic Gemelli oo ku yaal magalada Roma ayaa laga sameeyey qayb caafimaad oo gaar u ah dadka ku walfay Isticmaalka Internet-ka, kuwaas oo si ka baxsan xadka loogu tala galay u adeegsada Internet-ka.

Lucio D’Alessandris oo ah psychologist ka hawl gala xaruntaasi daaweynta dadka sida xad dhaafka ah u isticmaala Internet-ka ayaa sheegay in inta badan dadkaasi ay u badan yihiin dad dhalinyaro ah oo waqti aad u badan galiya isticmaalka Internet-ka, kuwaasi oo loogu magac daray (Internet Addict), waxaana uu sheegay in dadkaasi ay u badan yihiin psychology-ahan sidii loogu daaweyn lahaa.

Gemelli waa xarunta caafimaad ee ugu weyn magaalada Roma waxaana ka mid ahaa dadkii lagu daaweyn jirey Isbitaalkaasi loo sameeyey qaybta gaarka ah ee dadka sida qayru caadiga ah u isticmaala aalada Internet-ka  Baadarigii hore ee Mad-habta Catholic-ga ee Kirishtaanka Pop John Poul-kii geeriyoodey.

“Xad ka baxsanaanta isticmaalka Internet-ka waxay noqotey mid aad sare ugu sii kacaysa, waxaana ugu badan dhalinyarada, kuwa badan oo ka mid ah waa dad xanuunsan oo qaba cuduro nafsaani ah, lama hadlaan dadka dariskooda ah, banaanka si dhib ah ayay ugu baxaan ama u aadaan, waxaana habeenkii oo dhan ay ku jiraan wada sheekaysi (Chatting) ay kula hadlayaan asxaabtooda” ayuu yiri Lucio.

Xarumo caafimaad oo ku kala yaal Mareykanka,, Jabaan iyo Shiinaha ayaa horey u sameeyey qaybo gaar ah oo loogu tala galay dadka uu sida waalida ah u isticmaalka Internet-ka.

Facebook ayaa noqdey aalada dhanka Internet-ka ugu badan ee dunida isla markaana ugu balaaran ee xidhiidhka dadweynaha, waxaana war laga soo saarey Cisbitaalka Roma ee dadka isticmaal Internet-ka lagu sheegay in Facebook uu dadka ku leeyahah saameyn dhanka xaraarada.

Dhinaca kale jasiiradda Time Online oo mid ka mid ah dadka aadka u isticmaala  Internet-ka waraystay oo lagu magacaabo  Ben Alexander ayaa sheegay inuu yeeshay saaxibo caalamka ku baahan oo xitaa ay ku jiraan aktaradda filimaanta metela  sidaas darteenna aanu haleelin inuu wax cuno,  waxaanna uu sheegay ina tiradda dadka uu la xidhiidho ay dhan  yihiin 12 milyan  oo ruux

Reported By saleban sahal
salosahal@hotmail.com