Biyo La’aanta Hargeysa Oo Toban Jirsatay
Hargeysa (Waryatv.com), magaalada Hargeysa oo
hada la ciir ciiraysay dadweyne aad u tiro badan ayaa sanadkan 2010-ka la toban
jirsatay biyo la’aan soo food soortay sanadkii 2000.
Tan iyo sanadkii 2000 waxaa magaalada Hargeysa
ka bilaabmay biyo la’aan isa soo taraysay, waxaana xiligaas dalka hogaaminaayey
Rabi naxariistiisa ha siiyee madaxweynihii Somaliland Marxuum Maxamed Xaaji
Ibraahim Cigaal.
Biyo la’aanta ayaa noqotya mid la toban jirsatay
seddexda xukumadood ee soo maray Somaliland, taas oo la odhan karo waxay sii hurin
kartaa biyo la’aan laga dareemo guud ahaan
Marka laga hadlaayo maamulada kala duwan ee soo
caga dhigtay kursiga talada dalka, ayaa u muuqda kuwo ay hoos martay baahida
baahsan ee dhanka biyaha sidii ay wax uga qaban lahaayeen.
Marka aad eegto xaafadaha ku yaala magaalada
Hargeysa qaar ka mid ah waxaad ka dareemaysay darxumo dhanka biyaha ah,
waxaanad meelaha qaar ku arkaysaa dadkii oo dooxa weyn ee Hargeysa ka
dhuranaaya biyo laba habeen ama in ka badan dooxa maray, kuwaas oo ay ka dhalan
karaan xanuuno badan oo laga qaadi karo
saxo xumo dhanka biyaha.
In kastoo dadka qaar ay ilaa wakhtigaas (2000)
ay ku noolaayeen biyaha laga keeno dooxa iyo meelaha la midka ah, sida aw
barkhadle iyo ceelasha gaarka loo leeyahay, kuwaas oo ay keenaan booyado gaar
loo leeyahay, isla markaana ka ganacsada.
Mar aanu maanta galinkii hore socod lug ah ku
soo marnay dooxa weyn ee magaalad Hageysa qayb ka mida, ayaa kaamarada Waryatv
isha ku dhufatay xaalada biyo la’aaneed ee ka jirta caasimada Hargeysa.
Sawirka hoos ku xusan waxaa ka muuqda qoysas
ka dhaan-sanaaya dooxa dhexdiisa iyo kuwo iyagu dhar ku dhaqanaaya, taas oo ka
turjumaysay biyo la’aanta ka jirta xaafadaha ay qoysaskaasi ka soo jeedaan.
Dadkan dooxa ka dhaansanayaa ayaa ah kuwo aan
sidaas uga fogayn badhtamaha magaalada hargeysa, waxaanay qaarkood ay la jaar
yihiin goobaha dawlada sida, wakaalada laydhaka ee Hargeysa, taliska ciidan Booliska,
xerada ciidanka ee Birjeex, iskuulka faarax oomaar.
Lama odhan karo hargeysa guud ahaan biyo la’aan
ayaa haysa balse waa xaafado ka mida degmooyinka hargeysa.
Isku soo wada xooriyoo maamulka cusub ee loo
magacaabay wakaalada biyaha ayaa ilaa hada waxa ay shacabku ka sugayaan sidii u
wax uga qaban lahaa biyo la’aanta dabada dheeraatay.
Xafiiska wararka Ee Waryatv
Hargeysa/Somaliland
Reported by
Ibraahim abdirahman Qaasim
Qaasim
