Golaha Deegaanku Waa Mudo Dhaaf + Xisbiyada Siyaasadana Waa In La Furaa

Hargeysa (Waryatv.com), Xildhibaan Maxamed Maxamuud Cumar Xaashi ayaa maanta ka hadlay aragtiisiisa ku wajahan hanaanka xisbiyada badan in dib loo furo, waxaanu sheegay in xisbiga kulmiye markuu uu ku jiry olalihii doorshooyinka inuu badan qaaday furitaanka xisbiyada.

Isaga oo xildhibaanku arrintaas ka hadlaayana waxa uu yidhi

“Waxa jirta balan uu xisbhiga kulmiye qaaday wakhtigii lagu jiray ololaha doorashada madaxtooyada, waxa uu heshiis la galay urur siyaasadeedkii Qaran, Waxa kale oo ay heshiiis la galeen garabkii uu hogaaminayay Axmed X Cali Cadami, mar kale oo ay dad kale wada hadleen, waxa uu balan qaaday (Axmed Siilaanyo) in la furi doono ururo, ujeedaduna waxa ay tahay haddii la doonayo in la soo afjaro dimuqraadiyada ha lagu daayo wixii jiray, haddii la doonayo in dumuqraadida la badhaadhiyo oo ay dadku si xor ah uga qayb galaana waa in la furaa habka xisbiyada badan”

Sidoo kale Xildhibaan Maxamed Maxamuud Cumar Xaashi ayaa ka hadlay arrimaha doorashooyinka golaha deegaanka, guurtida iyo ta golaha wakiilada Somaliland, waxaanu sheegy in marka hore la qabto ta golaha deegaanka oo uu sheegy inay tahay mudo dhaaf.

Waxaanu talo ahaan iyo sharciyin soo jeediyey xildhibaanku in xayndaabka sharciga lagu soo celiyo qolada (Golaha Deegaanka) ee uu wakhtigoodu dhamaaday, waxaanu sheegay in golaha wakiilada ay mudo aan ka badnayn bi lama laba bilood u hadheen.

Sidoo kale Xildhibaan Maxamed Maxamuud Cumar Xaashi ayaa sheegay in uu si weyn u saluugsan yahay hanaanka dimuquraadiyada, gaar ahaan dhanka xisbiyada ka jira dalka, isaga oo ku dhaliilay inay baal marsan yihiin habka dimuquraadiyadu ay tahay

Xafiiska Wararka Ee Waryatv

Hargeysa/Somaliland

Reported by

Ibraahim Abdirahman Qaasim

ibrahimqasim@waryatv.com

Qaasim