7 Qof Oo Loo Xidhay Dilkii Taliyaha Ciidaanka Asluubta Ee Laascaanood
Laascaanood (Waryatv.com), Dilkii loo gaysty Alle ha naxariistee taliyhii ciidanka Asluubta ee gobolka Sool Cabdi Ciise Nuur, ayaa waxaa maant ka hadlay gudoomiyaha gobolka Sool Cabdilaahi Jaamac Diiriye, waxaanu sheegay inay ilaa hada ay gacanta ku hayaan 7 qof oo la sheegay in ay ku lug lahaayeen dilkaas.
Waxaanu
intaas ku daray gudoomiyihu in sida ugu haboon loo hor geyn doono sharciga
marka la dhameeyo baadhitaanka lagu hayo.
Dadka
la soo qab qabtay ayuu sheegay gudoomiyuhu in laga soo qab qabtay meelo kala
duwan oo ka mida magaalaada Laascaanood, waxaanu intaas ku daray in ay
dhamaantooda ka soo jeeda gobolka, marka la reebo hal qof oo ka soo jeeda
dhanka koonfurta Somaliya.
Mar
la weydiiyey gudoomiyaha in ay dadkani yihiin kuwo si weyn looga shaki qabo
waxa uu sheegay in aanay wali jirin war cad oo sheegaya inay dhamaantood yihiin
kuwo lug ku leh dilka, waxaanu hadalkiisa ku soo koobi “baadhid ayaa ku socda”
Warar
kale oo dheeraad ayaa sheegaya in guud ahaan dadka la qab qabtay habeenkii
xalay ahaa ay ka soo jeeda, isla markaana ay qayb yihiin kooxda isku magacwday
SSC, taas oo ku lida ah inta badan maamulka
Isku
soo wada duubo ilaa hada ma jiraan warar rasmi ah oo sheegay in dadkii falka
geystay ay ku jiraan dadka la qab qabtay habeenkii xalay ahaa.
Sida
uu ku soo waramaayo wariyahayga gobolka Togdheer Saleebaan Sahal jaamaca, waxaa
jira warar hoose oo ku saaban baadhitaanka dilka taliyaha, kaas oo ay wadaan
ciidanka milatariga ee ku sugan gobolka
Sool.
Xafiiska Wararka Ee Waryatv
Hargeysa/Somaliland
Reported by
Ibraahim Abdirahman Qaasim
Qaasim