8 Nin Oo Looga Shakiyey Alshabaab Oo Burco Lagu Qabtay

Burco (Waryatv.com), Ciidanka amaanka gobolka Togdheer ayaa hawlgal balaadhan oo ay xalay ilaa maanta ka sameeyeen magaaladda Burco waxay ku soo qabqabteen tiro ahaanba 8 nin oo looga shakisan yahay inay gacan saar la leeyihiin kooxda hubaysan ee Al-shabab .

Guddoomiyaha gobolka Togdheer oo shirkaasi jaraa,id oo uu saxaafadda kula hadlay Xarunta gobolka  ee magaaladda Burco waxa  ayaa ugu horaynba u mahadnaqay ciidanka amaanka gobolka Togdheer waxanna uu sheegay inay ciidanku ku guulaysteen qabashadda rag looga shakisan yahay inay xidhiidh la leeyiin Urur diimeedka Hubaysan ee Al-shabab isagoo sheegay in aaanay jirin wax dhibaato ah oo ka Dhashay arrintaas .

Muddooyinkii ugu dambeeyay waxaa ciidamadda amaanka ee magaaladda burco laga dareemayay feeginaan dheeri ah kaasi oo lagu arkayay magaaladda Burco habeenkii iyagoo baadhitaan ku samaynaya Gaadiidka yar yar iyo waa waynba .

Ragan ayaa sidda ay Ilo xog ogaali sheegayaa waxaa ku jira wiil dhalinyaro ah oo reer koonfureed halka ay Todobadda kalenna kasoo jeedaan gobolkan Togdheer   

Dhankalenna waxa kaloo uu guddoomiyaha gobolka Togdheer ka hadlay Raashin caawimo ah kaasi oo wasaaradda diinta iyo Awqaafta Somaliland ugu deeqday goboladda Somaliland oo saamigii ay uu lahaa gobolka Togdheer manta loo qaybiyay Cusbitaalka waalidda magaaladda burco ee maandhaaye iyo Cusbitaalka guud ee magaaladda burco iyo waliba jeelka wayn ee magaaladda .

Guddoomiyaha gobolka Togdheer waxa kale oo uu sheegay inay dadkan ay soo qabqabteen ay baadhitaan ku samayn doonaan siddoo kalenna waxaa warar hoose sheegayaa inay ciidanka amaanka ee gobolka Togdheer Gacanta ku dhigeen waxyaabaha qarxa inkastoo uu Hogaanka ciidanka booliska Gobolka Togdheer ka cudur daartay inuu faahfaahin ka bixiyo mar aanu isku Daynay inaanu Arrintaasi wax ka waydiino.

Siddoo kalenna guddoomiyaha gobolka togdheer waxa uu sheegay inay maalinta bari ah oo ah maalinta loo qoondeeyay maalinta ololaha Nadaafadda ay gobolka Fulin doonaan waxaanna uu sheegay inay arrintaasi maanta kawadda arrinsadeen ururadda ka Hawl gala gobolka Togdheer .

Xafiiska wararka waryatv

Reported by

Saleban sahal jamac

salosahal@Hotmail.com