Saraakiisha Booliska Jigjiga Oo Yeeshay Kulan Qiimayn Ah
Jigjiga
(Waryatv.com), Shir ay maanta ku yeesheen magaalada Jigjiga saraakiisha
booliska Dawlada Deegaanka Somalida oo ay soo abuubleen Koomishanka Booliska,
kaas oo ay ujeedadiisu ahayd sidii qiimayn loogu samayn lahaa saraakiisha
booliska ee Dawlada Deegaanka Somalida ayaa ka dhacay isla xarunta jig jiga
Shirkaas
oo uu hogaaminaayey Gaashaanle dhexe Yuusuf Maxamed Muuse, ayaa si mug leh ugu
horayn uga sheekeeyey xaalada boolisku uu hada ku sugan yahay, waxaanau sheegay
in boolisku ay laf dhabar u yihiin ilaalinta nabad galyada deegaanka.
Geesta Kale
Gaashaanle Yuusuf ayaa daboolka ka qaaday in dib u eegis lagu samayn doono
maxaabista ku xidh xidhan jeelasha Deegaanka Somalida, waxaanu sheegay in la
kala shaan dhayn doona maxaabiista u xidhan dambiga fudud iyo midka culub.
Koomishanka booliska
ee shirkan qabtay ayaa isku af gartay in qiimayn lagu sameeyo saraakiisha
booliska ee ka soo qayb gashay kulankaas, si dib u eegis loogu sameeyo hawl
galada dhanka amaanka ee ay qabteen saraakiishu.
Sidoo kale Koomishanka Booliska Dawlada Deegaanka Somalida ayaa dhawrkii todobaad ee la soo dhafay waday kulmo la xidhiidha sidii loo xidhiidhin lahaa booliska iyo dadweynaha, kaas oo ka dhacay deegaano badan oo ka tirsan dhulka ay maasho dawlada Deegaanka Somalida ee Kililka Shanaad