Qaahira:- Ciyaar Lagu Sagootiyey Garsooe Ibraahim Cadaay Oo Aabe U Ah Wiil u Ciyaara Man City

Qaahira (Waryatv.com), Munaasabad Sport oo ay soo qaban Qaabiyeen jaaliyada Sportiga Soomaaliyeed ee Dalka Masar laguna Sagootinaayay garsoore Cadaay iyo Wiilkiisa Da'da yar ee u ciyaara Man City C/salaan Cadaay ayaa waxa ay ka dhacday garoonka kubada cagta Magaalada Qahira ee Dalka masar.

Ciyaartaani oo aheyd mid Kubada Cagta ah oo ay ka qeyb qaateen labo kooxood oo laga soo dhex xulay kooxaha Ciyaaraha kubada cagta soomaaliyeed ee ka dhisan Dalka Masar ayaa waxaa ka soo qeyb galay Marti sharaf kala duwan o ka kala socday qeybaha jaaliyada soomaaliyeed iyo Hey'ado Sporti oo ka dhisan Dalka Masar.

Munaasabadaan Sagootinta Aheyd Ayaa sidoo kale waxaa ku dhex lifaaqneed soo bandhigida Wax qabadka Ex- Wasiirkii hore ee Sportiga Dowlada KMG,ah Marxuum Saleebaan Colaad Roomle oo decembertii tagtay ku geeriyooday Qaraxii Hotel Shamoo.

Garsoore Cadaay iyo Wiilkiisa C/salaan Cadaay Ayaa halkaasi Qalab Sporti ku guddoon siiyay Ciyaaryahanadii kala duwanaa ee ka qeyb qaadatay Kulanki xiisaha badnaa ee lagu sagotinaayay iyagoona Qalabkaasi ku sheegay in ay Bixisay Hey'ad loogu magac daray Suleymaan Colaad Rooble oo ay Garsooraha iyo Wiilkiisa Maalgiliyaan kana dhisan Dalka Biritian.

Sidoo kale Munaasabadaasi lagu sagootinaayay Aabaha Sporti iyo Wiilkiisa ayaa waxaa Goob joog ka ahaa Ex Xogheyntii Suleymaan Colaad Rooble, Mr C/risaaq oo Halkaasi ku soo bandhigay Buug uu ku qornaa taariikhda Marxuum Suleymaan Colaad Rooble.

Munaasabadaasi Sporti sidoo kale waxaa goob joog ka ahaa Macalinka Xulka Kubada Cagta Soomaaliyeed ee dalka Masar Macalin Cismaan Xasan, Guddoomiyaha jaaliyada Soomaaliyeed ee Dalka masar Sheekh Yuusuf, iyo Ciyaaryahano hore oo magac ku dhex leh bahda Sportiga Soomaaliyeed. Ee dalka masar

Labadii kooxood ee kubada cagta munaasabadaasi kuwada ciyaaray ayaa waxaa kala watay Ciyaaryahanadii Caanka ahaa ee dalka soo maray 20,kii sano ee ugu danbeeyay Mustafa France iyo C/llaahi Tafare, iyagoona halkaasi ku so bandhigay wacdaro aad u xiiso badan oo soo jiitay Dhamaan Bahdii u soo daawasho tagtay kulan ciyaareedkaasi.

Garsoore Cadaay oo gaba gabadii Munaasabadaasi lagu sii sagootinaayay Qudbad qiimo badan ka jeediyay ayaa amaan gaar ah u celiyey bahda Sportiga Dalka Masar Asigoona ku amaanay sida weyn ey u soo dhaweeyeen una sii sagootiyeen Asigoona balan qaday in uu gacan weyn ka geysan doono hormarinta bahda Sportiga Dalka Masar.

Sidoo kale Jaaliyada Sportiga Soomaaliyeed ee Dalka Masar Ayaa Garsoorka iyo Wiilkiisa ku amaaney sida weyn oo ay isaga xilsaareen in ay garab istaagaan ayna dhiiri giliyaan bahda Sportiga Dalka masar.

Ma ahan Markii ugu horeesay ee bahda Sportiga Dalka Masar helaan Dhiiri gilin kaga timaada Dhanka Bahda Sportiga ee Qurbaha ku nool waxaana horaantii Todobaadkii aynu  aynu soo dhaafnay ayaa  Munaasabad tani la mid ah ey bahda Sportiga gaar ahaan Kubada Koleyga ey u qabteen Ex- Ciyaaryahanadi Xulka Qaranka iyo Kooxdii kubada Koleyga ee LLPP Jeenyo Marwo Xaawo Taako oo sidoo kale Qalab Sporti guddoonsiisay bahda Sportiga Dalka Masar.

Waryatv/Qaahira

Reported by

Khaddar shaani

Khadarshaani@hotmail.com