Golayaasha, Deegaanka, Guurtida iyo Wakiilada Oo Loo Sameeyey Mudo Kordhin

Hargeysa (Waryatv.com), Kal fadhi ay yeesheen golaha guurtida Somaliland oo ay ka soo qayb galay 67 mudane, iyada oo loo  codeynaayey sidii mudo kordhin loogu sameyn lahaa golayaasha qaranka ama laga diidi lahaa mudo kordhinta uu madaxweynuhu u soo gudbiyey golaha guurtida.

Kal fadhigan waxaa gudoominaayey Sh Axmed Fure oo ah ku simaha gudoomiyaha golaha guurtida, waxaanu golaha ka hor akhriyey warqada uu madaxweynuhu u soo gudbiyey ee ahayd in golayaasha qaranka loo sameeyo mudo kordhin.

Ku simaha gudoomiyaha ayaa mudanayaasha ka codsaday in cod loo qaado mudo kordhinta, waxaana ogolaaday 65 mudan, halka ay ka aamuseen 2 mudane, gudoomiye ku xigeenkuna muu codayn.

Waxaana sidaas lagu meel mariyey in golaha wakiilada Somaliland loo kordhiyo mudo dhan laba sano iyo sideed bilood, halka golaha deegaankana loo kordhiyey mudo Sanad iyo Badh ah.

Golaha guurtida ayaa loo sameeyey mudo dhaaf, waxaana ay noqonaysaa in mudo ka badan inta loo kordhiyey wakiilada ay xilka sii hayaan, iyada oo tiro ahaan ku dhaw afar sano iyo badh danbe.

Waa markii ugu horsay ee madaxweynaha Somaliland uu golaha guurtida ka dalbado mudo kordhin, loona sameeyo mudo ka badan intii markii ay mucaaridka ahaayeen (Kulmiye ahaan) ka doodi jireen.

Gees kastaba marka aad ka eegto doorashooyinka soo socda ayaa la filayaa inay dalka ka dhamaadka sanadka 2013-ka

Hargeysa/Waryatv

ibrahimqasim@waryatv.com